Сүхбаатар аймгийн Эрүүл мэндийн байгууллага нь манай улсын эрүүлийг хамгаалахын салшгүй хэсэг бөгөөд хөдөлмөрчдийн эрүүл мэндийг хамгаалах нийгэм болон орчин ахуйн хүчин зүйлүүдийг судлах талаар бие даасан орон нутгийн салбар хөгжиж байна. Анх 1942 онд Хэнтий Дорнод аймгийн зарим сумдыг нэгтгэн Жавхлант шарга нэртэйгээр Сүхбаатар аймгийг байгуулахад ,одоогоор Баруун-Урт сумаас 15 километрийн зайтай орших Мандалын хийд хэмээх газарт нутаг дэвсгэрийн харъяалал тогтоогдсоноор тус эмнэлэг нь 3 орон тоотойгоор ажиллаж, эмнэлгийн үйл ажиллагаагаа эхлэх суурь тавигдсан юм. Энэ үед тус эмнэлэгт Зөвлөлтийн эмч Конович нэлээд сар ажиллаад буцсан бөгөөд дараа нь Архангай аймгаас Сайтон гэгч орос эмч шилжин ирж ажилласан ба анхны сувилагчаар Ж.Дамба, асрагчаар Т.Загд нар ажиллаж байжээ...
Тэрээр гэрт байрлаж байсан эмнэлгийг хуучин Мандалын хийдийн 2”р дуганыг засварлуулан 20 ортой больниц, амбулатори болгон 1942 оны 12-р сарын 25-нд нээн ажиллуулсан байна. Больницыг 20 ортой болгож өргөтгөсөн тэр үед бага эмч, сувилагч, асрагч, орчуулагч, жолооч зэрэг 6 орон тоотой болжээ. 1944 онд орос эмч Сайтоныг буцсаны дараа Свестянов гэдэг орос эмч ирсэн байна. 1952-1961 онуудад Тина Павловна, Деканозишвали ,Антонина Михайловна Сущкова,Рашид Сапович, Алеев Дмитри , Зиновьевич Майман зэрэг олон мэргэжилтнүүд манай хүн ардын эрүүл мэндийн төлөө хүчин зүтгэж , шинжлэх ухааны эмнэлгийн үндсийг тавилцсан юм.
Шинээр бүрэлдэн тогтсон Шинжлэх ухааны эмнэлгийн нэр хүндийг бэхжүүлэн хөгжүүлэхэд монгол их эмч С.Гомбожав, Ө.Готов, Д.Балдандорж Ү.Батмөнх, С.Дүгэржав нар их үүрэг гүйцэтгэсэн ба манай анхны бага эмч сувилагчдаас Эрүүлийг хамгаалах байгууллагатай 50 шахам жил амьдралаа холбосон аймгийн эмнэлгийн хэлтсийн анхны дарга Мандалжавын Содов юм.
1944 онд анхны үндэсний их эмчээр Самбуугийн Гомбожав ирж эмнэлгийн хэлтсийн дарга, ерөнхий эмчээр ажилласан байна.
1949 оноос Д.Балдандорж, Ч.Батмөнх, Н.Даш, С.Дүгэржав, Загдаа, А.Өлзийхутаг нар ажиллах болж үндэсний мэргэжилтнээр хангагдаж эхэлжээ.
1952 оноос хүүхэд, дотор, мэс заслын чиглэлээр нарийн мэргэжлийн тусламж үзүүлдэг болсон ба 1966 онд 15 ортой хүүхдийн больництой боллоо.
Үе үеийн ерөнхий эмчээр: Ч.Гомбосүрэн, Л.Баатар, Ц.Жамсранжав, Ц.Сүхбаатар, Б.Сүхбаатар, Я.Гармаа, Д.Бор, М.Энхтуяа, С.Жанчив, Д.Мөнхзул нар ажилласан.
Одоогоор Аймгийн нэгдсэн эмнэлэг нь Монгол улсын бүртгэлийн гэрчилгээтэй, 275 ажилтан, ажилчидтай, нийгмийн даатгалын 115, төсвийн 40 ортой ажиллаж амбулатори , стационарын чиглэлээр эмчилгээ, оношлогоо, үйлчилгээ урьдчилан сэргийлэх ажлыг гүйцэтгэж байна.
Тус эмнэлэг нь нийт 15 тасаг нэгжтэй Тасаг бүр тасгийн эрхлэгч, ахлах сувилагчтай үйл ажиллагаагаа явуулж байна. Мөн 2005 онд Сувилгааны албыг шинээр зохион байгуулж сувилахуйн тусламжийг боловсронгуй болгох үүднээс сувилагчийн мэргэжлийн асуудал, зарим өвчнүүдийн үед хийгдэх сувилгааг мэргэжлийн өндөр түвшинд үзүүлэх асуудлыг хэрхэн шийдвэрлэх тал дээр гол анхаарлаа хандуулан ажиллаж ирсэн. Уг алба ажил үйлсээрээ 2006 онд Улсад “Шилдэг сувилгааны алба “-аар шалгарч байсан.
2008 онд Уламжлалт :эмчилгээний тасгийг 8 ортой шинээр нээн ажиллуулж эхэлсэн нь үйлчлүүлэгчдэд таатай сэтгэгдэл төрүүлж , үүний улмаас 2010 онд тус тасгийг 10 ортой болгож өргөжүүлэн ажиллаж байна.
Тус нэгдсэн эмнэлэг нь эмч мэргэжилтэнүүдийнхээ мэдлэг, мэргэжил ур чадварыг дээшлүүлэхэд байнга анхаарч туслаж дэмжиж ажилладаг.
Манай эмнэлэгт олон жил тогтвор суурьшилтай ажилласан, мэргэжлийн өндөр ур чадвартай олон эмч, ажилтан ажилладаг. Үүнд: Монгол улсын гавъяат эмч эмэгтэйчүүдийн зөвлөх эмч Д.Чулуун, Монгол улсын хөдөлмөрийн хүндэт медальтай эмч нар: Хошой алтан гадас одонт , МУ-ын эрэлхэг мэс засалч, магистр эмч Д.Жамбалдорж, Алтан гадас одонт Ч.Лхам, эх барих эмэгтэйчүүдийн мэргэжилтэн Я.Гармаа, тэргүүлэх зэрэгтэй эмч Ц.Чулуунцэцэг, мэс заслын эмч клиникийн профессор Ц.Хүрэлбаатар, ААЭОрлогч Л.Батбаяр, магистр эмч Я.Багсансүрэн, сэтгэл мэдрэлийн зөвлөх эмч Д.Дамдин, сүрьеэгийн их эмч С.Балжинням, 2001 оны “ Аймгийн тэргүүний шилдгийн шилдэг залуу сэхээтэн “ эмч С.Ганзориг, 2004 он, 2006 оны “Аймгийн шилдэг залуу эмчээр “ Хүүхдийн их эмч АУ-ны магистр Д.Мөнхзул, Монголын залуучуудын холбооны “Тэргүүний залуу” алтан медальт эмч Д.Мөнхзул, З.Дэлгэрмаа, ерөнхий сувилагч Д.Туяацогт, Монголын залуучуудын холбооны “ Хөдөлмөрийн алдар “ алтан медальт сувилагч Д.Мөнгөнчимэг, Ж.Одончимэг, ЭМЯамны Тэргүүний ажилтан хүндэт тэмдэгтэн 49, ЭМЯамны Жуух бичигтэн 108 , Эрүүл мэндийн алба үүсч хөгжсөний 80 жилийн ойн дурсгалын тэмдгээр 25 ажилтан, Клиникийн професор : их эмч Ц.Хүрэлбаатар, Ц.Чулуунцэцэг, С.Жанчив, Д.Оюумаа, Д.Туяа , Тэргүүлэх зэрэгтэй их эмч нар: Д.Туяа, Ц.Хүрэлбаатар, Тэргүүлэх зэрэгтэй сувилагч : Ш.Алтансувд, Д.Туяацогт, Я.Энхбаяр, Ч.Цэвэлмаа, Ж.Батбаярмаа ,М.Энхбаяр, Л.Адъяа
Ахлах зэрэгтэй их эмч : М.Урансайхан, Д.Мөнхзул, Ж.Нарандэлгэр, Ж.Уранчимэг, Д.Барцэцэг, Д.Оюумаа, Д.Энхтуяа, С.Тунгалаг,С.Ганзориг
Ахлах зэрэгтэй сувилагч : Г.Болортуяа, Ц.Амарзул, Ж.Эрдэнэтуяа, Ц.Дөлгөөн, Т.Бүрэнцэцэг, Б.Сугар, Га.Болортуяа,
Мэргэшсэн нягтлан бодогч С.Бямбаа , Ахлах зэрэгтэй :Хүний нөөцийн ажилтан Д.Эрдэнэтуяа нарын мэргэжлийн өндөр зэрэгтэй эмч, мэргэжилтнүүд ажиллаж байна.
Тус эмнэлгийн түргэн тусламжийн алба нь нийт 12 суманд үйлчилдэг, алслагдсан сум нь 200 километр зайтай, нийт машин 9, үүнээс алсад 5 машин, дотор дуудлаганд 4 машин үйлчилдэг ба жилд дунджаар сумдын дуудлага 11200, аймаг тойрсон дуудлага 903, төвийн дуудлага 8000 байна.
· 2002 оны 12-р сард тус эмнэлгийн барилгын өргөтгөлийг 40 сая
төгрөгний хөрөнгө оруулалтаар ашиглалтанд оруулснаар шүүх-патоанатомийн тасгийг шинээр байгуулж, сэргээн засах эмчилгээний тасгийг өргөтгөн үйл ажиллагаа явуулж байна. Манай аймагт Монгол-Германы хамтарсан Нөхөн үржихүйн эрүүл мэндийн салбарт дэмжлэг үзүүлэх төсөл 2001 оноос хэрэгжиж , хүн амд үзүүлж буй эрүүл мэндийн тусламж үйлчилгээний чанарыг сайжруулах, үйлчлүүлэгч болон олон нийтийг аль болох олноор хамруулж , өсвөр залуу үеийнхэн, эмзэг бүлгийнхнийг үйлчилгээнд хамруулах зорилгоор НҮЭМ цогцолборыг нээн ажиллуулж байна.
· 2008 онд НҮБ-ын хүн амын сангаас “Сайн дурын зөвлөгөө
шинжилгээний кабинетийг шинээр нээн ажиллуулж байна.
· 2008 онд Швейцарийн Хил хязгааргүй шүдний эмч нартай
хамтран ажиллаж иж бүрэн тоног төхөөрөмжтэй шүдний кабинетийг бий болгосон.
· 2010 оны 1-р сараас эхлэн НҮБ-ын хүн амын сангаас “ Ирээдүйн
босго “ төвийг шинээр байгуулан нээн ажиллуулснаар өсвөр насныханд эрүүл мэндийн тусламж үйлчилгээг үзүүлэх, тэр дундаа нөхөн үржихүйн эрүүл мэндийн тусламж үйлчилгээг түлхүү үзүүлж байна.
· 2009 онд ЭМСХХ-3 төслийн хүрээнд 694, 5 сая төгрөгийн хөрөнгө
оруулалтаар нэгдсэн эмнэлэгт их засвар орж, 2010 онд орон нутгийн хөрөнгө оруулалтаар 650 сая төгрөгөөр халдварт, сүрьеэгийн 30 ортой эмнэлэг шинээр баригдаж үйлчлүүлэгч болон ажилчдыг ажиллах ая тухтай цэвэр , цэмцгэр орчныг бүрдүүлж чадлаа.
Мөн ЭМЯамны хөрөнгө оруулалт болон бусад төсөл хөтөлбөрөөр орчин үеийн багаж тоног төхөөрөмжөөр хангагдаж ажиллаж байна. Жнь: Компьютер томографийн аппарат, телевизийн системтэй рентген аппарат, допплертэй ЭХО аппарат, амьсгалын аппарат, Дизкамер, ЭКГ 24 сувагтай гэх мэт/
No comments:
Post a Comment